Пациенттерге арналған ақпарат МӘМС бағдарламалық қамтамасыз ету
Декреттегі жеке кәсіпкер әйел МӘМС-ке төлем жасау керек пе?
Қызметі ресми түрде тоқтатылмаған және жұмыс істеп тұрған жеке кәсібі бар декреттегі әйел жеңілдік санатына кірмейді. Сондықтан ол МӘМС-ке жарна төлейді.
Сондай-ақ оған декретте отырған кезде кәсіпкерлік қызметті ресми түрде жабуына немесе тоқтата тұруына болады. Бұл оған жеңілдік санатына кіріп, мемлекет есебінен сақтандырылуға мүмкіндік береді.
Студенттердің МӘМС жүйесіндегі мәртебесі қандай?
Күндізгі оқу бөлімінде оқитын студенттер жеңілдік санатына кіреді және олар үшін МӘМС жарналарын мемлекет төлейді. Осылайша, олар МӘМС есебінен барлық медициналық көмек түрлерін тегiн алуға құқылы.
Ал, шетелдік жоғары оқу орындарында оқитын студенттер тұрақты сақтандыру мәртебесін алу үшін egov.kz электрондық үкімет порталында студент ретінде тіркелуі қажет.
Ол үшін:
- egov.kz сайтына өтіп, жүйеге тіркеліңіз.
- «Қызметтер» бөлімінен «Шетелде оқитын студенттерді тіркеу» тармағын таңдаңыз
- Өтінішті толтырып, оған электрондық цифрлық қолтаңбамен немесе SMS құпия сөзімен қол қойыңыз
- Өтінім өңделгеннен кейін жеке кабинетіңізге хабарлама жіберіледі.
Тиісті орган деректерді тексергеннен кейін Сіздің мәртебеңіз «САҚТАНДЫРЫЛҒАН» болып өзгереді.
Осы жерде ескеретін жайт, шетелде оқитын студенттер сессия аяқталғанға дейін сақтандырылған мәртебесіне ие. Олар әр сессиядан кейін қайтадан egov.kz электрондық үкімет порталында тіркелуі тиіс.
Жұмыс берушілер халықтың мынадай санаттары үшін МӘМС төлемдерінен босатылады.
Жұмыс берушілер халықтың мынадай санаттары үшін МӘМС төлемдерінен босатылады:
1) 18 жасқа дейінгі балалар;
2) күндізгі оқу бөлімінде білім алатын студенттер;
3) зейнеткерлер;
4) көп балалы аналар;
5) мүгедектігі бар адамдар.
_____________________________
Медициналық көмек алу кезінде қосымша сұрақтар немесе мәселе туындаған жағдайда өз клиникасындағы Пациенттерді қолдау және ішкі сараптама қызметіне жүгіну қажет. Егер жағдайды сол жерде шешу мүмкін болмаса, Әлеуметтік медициналық сақтандыру қорының келесі байланыс арналарының біріне өтініш қалдыра алады:
* Qoldau 24/7 мобильді қосымшасы
* msqory.kz ресми сайты
* Telegram-дағы @SaqtandyrýBot
* 1414 байланыс орталығы
Сондай-ақ Damumed, Halyk, BCC.KZ, Kaspi.kz мобильді қосымшалары МӘМС жүйесіндегі мәртебені тексеруге мүмкіндік береді. Сондай-ақ, электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесі аясында көрсетілетін медициналық қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі мәртебені тексеруге және жүргізілген төлемдер туралы ақпарат алуға болады.
ЖЕҢІЛДІК БОЙЫНША САҚТАНДЫРУ СТУДЕНТТЕРГЕ БЕРІЛЕДІ
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді.
Студенттер мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.
Қазақстанда оқитын студенттер үшін сақтандырылған мәртебесін алу алгоритмі:
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса
не істеу керек?
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
